راولپنڈی : کورونا کے بڑھتے کیسز، مزید 28 علاقوں میں سمارٹ لاک ڈاون نافذ

تفصیلات کے مطابق راولپنڈی انتظامیہ نے مزید 28 علاقوں کو کورونا وائرس ہاٹ اسپاٹس قرار دیتے اسمارٹ لاک ڈاؤن نافذ کردیا۔راولپنڈی ڈپٹی کمشنر نے 20 اگست تک سمارٹ لاک ڈاون کا نوٹیفکیشن جاری کردیا۔ اسمارٹ لاک ڈاؤن 10 دن تک جاری رہے گا۔راولپنڈی میں  دفعہ 144 کے تحت سمارٹ لاک ڈاون نافذ کیا گیا ہے ۔ راولپنڈی میں کاروباری مراکزبندرکھنے کے دن تبدیل کردیے گئے ہیں ۔ راولپنڈی انتظامیہ نے جمعہ اورہفتہ کاروباری مراکزبندرکھنے کا حکم نامہ واپس لےلیا، اب کاروباری مراکزہفتہ اوراتوارکوبند رہیں گے ۔

واضح رہے  کہ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید81فراد چل بسے ۔ ملک میں  اموات کی مجموعی تعداد24ہزار085ہوگئی ہے،جبکہ  متاثرہ افراد کی مجموعی تعداد 10لاکھ80ہزار360ہوگئی ہے ۔