محکمہ موسمیات نے بارشوں کی پیش گوئی کردی

محکمہ موسمیات کے مطابق ملک کے بیشتر اضلاع میں مزید مون سون بارشوں کی پیش گوئی کردی ہے اور کہا ہے کہ مون سون ہوائیں 12 اگست کی رات سے ملک کے بالائی علاقوں میں شدت کے ساتھ داخل ہوںگی ۔

محکمہ موسمیات کے مطابق 12 اگست کی رات سے پندرہ اگست کے دوران کشمیر ، اسلام آباد، راولپنڈی ، اٹک اور چکوال میں وقفے وقفے سے تیز ہواؤں اور گرج چمک کے ساتھ بارش کا امکان ہے ، اس دوران جہلم ، گجرات ، منڈی بہاؤالدین ، سیالکوٹ ، نارووال ، حافظ آباد ، گوجرانوالہ ، ساہیوال اور پنجاب کے کئی علاقوں میں بارشیں ہونے کا امکان ہے ۔

اس کے ساتھ شمالی علاقہ جات میں بھی بارشیں ہونے کی توقع کی جارہی ہے ۔ صوبہ سندھ کے کئی بڑے اور چھوٹے شہروں سمیت بلوچستان کے علاقوں میں بھی بارشیں ہوں گی ۔