افغانستان سے متعلق جو فیصلہ افغان عوام کا ہو گا، اسی کے ساتھ ہیں، وزیراعظم

وزیراعظم عمران خان کی زیر صدارت ترجمانوں کا اجلاس ختم ہوگیا، افغانستان ایشو پر اجلاس کو بریفنگ دی گئی۔

ذرائع کے مطابق وزیر اعظم عمران خان نے کہا کہ  ہم پرامن افغانستان کے خواہاں ہیں۔افغانستان سے متعلق جو فیصلہ افغان عوام کا ہو گا، اسی کے ساتھ ہیں،پاکستان کسی جنگ کا متحمل نہیں ہو سکتا، ہمارا کوئی فیورٹ نہیں ہے۔

وزیر اعظم نے کہا کہ امریکا نے افغان جنگ میں 1 ہزار ارب ڈالر لگایا، کامیاب نہیں ہوا تو پاکستان کا کیا قصور؟  افغان فوجیوں کو بھی امریکا نے تربیت دی۔ہمیں اس جنگ میں کیوں درمیان میں لایا جاتا ہے،ہم نے بارڈر پر باڑ لگانا تھی جو کر لی۔

وزیر اعظم عمران خان کا کہنا تھا کہ  پاکستان کی اکانومی بہتر جا رہی، افغانستان میں کچھ ہوا تو پاکستان بھی متاثر ہو گا، 2009 میں امریکا کو خط لکھا تھا کہ افغان مسلے کا حل فوجی طاقت نہیں،2009 میں کہی باتیں 2021 میں پوری ہو رہی ہیں۔

ذرائع کا کہنا ہے کہ افغانستان کے معاملے پر وزیراطلاعات فواد چوہدری میڈیا کو بریفنگ دیں گے۔