چیئرمین جوائنٹ چیفس آف سٹاف کمیٹی جنرل ندیم رضا کا قزاقستان کا دورہ ،آئی ایس پی آر

پاک فوج کے شعبہ تعلقات عامہ (آئی ایس پی آر) کے مطابق  جنرل ندیم رضا کی قزاقستان کے وزیراعظم سے ملاقات  ہوئی ہے، جنرل ندیم کی قزاقستان کے وزیر دفاع اور آرمڈ فورسز کے سربراہ سے بھی الگ الگ ملاقاتیں ہوئیں۔

 آئی ایس پی آر کے مطابق  ملاقاتوں میں باہمی دلچسپی، سیکورٹی اور علاقائی صورتحال پر بات چیت کی گئی،اس کے علاوہ افغانستان کی تازہ صورتحال پر بھی خصوصی تبادلہ خیال کیا گیا، ملاقاتوں میں باہمی تعلقات اور فوجی رابطوں کو مزید وسعت دینے پر اتفاق کیا گیا۔

 جنرل ندیم رضا نے کہا کہ  فوجی تعاون کو مزید وسعت دینے کے خواہاں ہیں

آئی ایس پی آر کا کہنا ہے کہ قزاقستان  قیادت نے دہشتگردی کے خلاف پاکستان کی کامیابیوں کو سراہا، جنرل ندیم رضا نے قزاقستان کی نیشنل ڈیفنس یونیورسٹی کا بھی دورہ کیا، جنرل ندیم رضا نے پاکستان ملٹری آرٹ روم کا افتتاح کیا۔

asdasdas