بھارت افغان سرزمین پاکستان کے خلاف استعمال کر رہا ہے، معید یوسف

 مشیر برائے قومی سلامتی ڈاکٹر معید یوسف نے  غیر ملکی میڈیا کو انٹرویو  دیتے ہوئے کہا کہ  پاکستان افغان جنگ سے سب سے زیادہ متاثر ہوا ہے،دنیا کو افغان حکومت سے سوال کرنا چاہیے کہ اربوں ڈالر کہاں گئے؟، پاکستان افغان حکومت کی ناکامی کا ذمہ دار نہیں ہے۔

مشیر قومی سلامتی معید یوسف نے کہا کہ  وزیراعظم عمران خان نے ہمیشہ کہا ہے کہ افغان تنازع کا صرف سیاسی حل ہے،  کابل حکومتی کے سکیورٹی انفراسٹرکچر کا غیر فعال ہونے کا ذمہ دار پاکستان نہیں ہے،دنیا افغانستان کو تنہا نہ چھوڑے۔کابل حکومت کو ٹویٹر پر پاکستان مخالف مہم چلانے کی بجائے لڑنے پر توجہ دینی چاہیے۔

مشیر برائے قومی سلامتی ڈاکٹر معید یوسف نے پاکستان کے اندر دہشت گردوں کے تاثر کو رد کردیا۔انہوں نے کہا کہ  افغان ہمارے بھائی بہن ہے مگر پاکستان اور افغان مہاجرین نہیں دے سکتا،  بھارت افغان سرزمین پاکستان کے خلاف استعمال کر رہا ہے۔