سینیٹ الیکشن سے قبل پی ٹی آئی کو زور دار جھٹکا

تفصیلات کے مطابق سینیٹ الیکشن سے قبل پی ٹی آئی کو زور دار جھٹکا لگا ہے اورکوہاٹ سے سینیٹر شمیم آفریدی اور رکن خیبرپختونخواہ اسمبلی امجد آفریدی نے پاکستان پیپلز پارٹی میں شمولیت اختیار کر لی ہے، پاکستان پیپلزپارٹی کے چیئرمین بلاول بھٹو زرداری 27 فروری کو کوہاٹ میں جلسے سے خطاب کریں گے۔

خیال رہے کہ سینیٹ انتخابات کے لیے کاغذات نامزدگی 15فروری تک جمع  ہو چکے ہیں،کاغذات نامزدگی پر اپیلیں 17 اور 18 فروری کو دائر کی جا سکیں گی،کاغذات نامزدگی 22 فروری تک واپس لیے جا سکیں گے اور 3 مارچ کو سینیٹ کی 48 نشستوں پر پولنگ ہو گی۔