عمران خان نے اپنی کابینہ میں وزراء نہیں ، ٹاؤٹ رکھے ہوئے ہیں : مریم اورنگزیب

ترجمان مسلم لیگ ن مریم اورنگزیب نے اسلام آباد میں پریس کانفرنس کرتے ہوئے کہاکہ  شہباز شریف کے خلاف خبر نشر کرنے والے برطانوی صحافی ڈیوڈ روز کو مشیر داخلہ شہزاد اکبر کا فرنٹ مین قرار دیتے ہوئے کہا ہے کہ چیئرمین نیب لاپتہ ہیں اور وزیر اعظم عمران خان اور شہزاد اکبر نیب کو چلا رہے ہیں اور ڈیوڈ روز کو آگے ٹاؤٹ کر لیا ہے۔ان   کا کہنا تھا کہ   شہزاد اکبر کا پی ٹی آئی سے کوئی تعلق نہیں، عمران خان نے اپنی کابینہ میں وزراء نہیں ، کماؤپوت رکھے ہوئے ہیں، ٹاوٹس اور فرنٹ مینز کے زریعے حکومت چلائی  جا رہی ہے،  جہاں سے مال ملنے کی آواز آتی ہے وہاں بندے تعینات کر دیئے جاتے ہیں ۔ کمیشن خوروں کو کمیشن نہیں ملا تو لڑائی میں نئی باتیں سامنے آئی۔

 مریم اورنگزیب نے کہا کہ ڈیلی میل کے حوالے سے ایک شخصیت بےنقاب ہو گئی،   ڈیوڈ روز نے شہزاد اکبر اور کاوے موسوی کی میٹنگ کیوں کروائی؟ ۔ کاوے موسوی نے کہا کہ شہزاد اکبر ڈھائی لاکھ پاؤنڈ کمیشن مانگ رہا تھا۔ کیا یہ شہزاد اکبر کا ذاتی کام ہے کہ وہ نام سامنے نہیں آنے دے رہے۔شہزاداکبر نے موسوی سے خفیہ ملاقات کیوں کی ؟ یہ کیس نیب بمقابلہ براڈ شیٹ ہے۔

ان کاکہنا تھا کہ عمران خان کی اپنی پارٹی نے بغاوت کردی کہ پیسے لے کر سینیٹ ٹکٹ دیئے گئے ہیں، آپ کی ہر چوری پاکستانی عوام کے سامنے آرہی ہے۔انہوں نے سابق وزیر اعظم نواز شریف کی ملک واپسی سے متعلق کہا کہ اس ملک میں آنے سے نوازشریف کو کوئی نہیں روک سکتا، اس جعلی چور، کرپٹ، نالائق، نااہل اور غنڈوں سے نوازشریف کو پاسپورٹ نہیں  چاہیے ، نوازشریف جب چاہیں گے پاکستان واپس آئیں گے۔