وزیراعظم ہاؤس کے اخراجات میں 49 فیصد کمی

ترجمان کے مطابق 2018 میں وزیراعظم ہاوس کا خرچہ 509 ملین تھا جبکہ 2020 میں یہ خرچ کم ہوکر 280 ملین تک آگیا ہے اور تحریک انصاف حکومت نے کفایت شعاری میں مثال قائم کر دی ہے۔ ڈھائی سالوں میں وزیراعظم ہاوس کے اخراجات میں 49 فیصد کمی آگئی ہے اور وزیراعظم آفس کے اخراجات میں 29 فیصد بچت ہوئی ہے۔

ترجمان نے مزید کہا کہ دفتر کے اخراجات کو514 ملین سے کم کرکے 334 ملین تک لایا گیا اور وزیراعظم عمران خان کا کوئی کیمپ آفس نہیں ہے،آصف زرداری کےدور میں صدر کے 2 کیمپ آفس تھے جن پر3 ارب 60 کروڑ روپے خرچ آیا جبکہ آصف زرداری کی سیکیورٹی کے لئے 245 گاڑیاں زیراستعمال رہیں اور646 اہلکار سیکیورٹی پرمامورتھے،نوازشریف کے دور میں جاتی امراء کیمپ آفس پر4 ارب 30 کروڑ روپے خرچ کئے گئے تھے۔