وزیر اعظم نے افغانستان کے حوالے سے فواد چوہدری کو اہم ٹاسک سونپ دیا

تفصیلات کے مطابق  وزیراعظم عمران خان کی زیر صدارت افغانستان معاملے پر اجلاس ہوا، اجلاس میں افغانستان کی موجودہ صورتحال پر مشاورت کی گئی۔افغانستان کے حوالے سے وزیراعظم نے فواد چوہدری کو اہم ٹاسک سونپ دیا ہے۔

وزیر اعظم عمران خان نے ہدایت کی ہے کہ افغانستان کے مسئلے پر پاکستان کے موقف کو بین الاقوامی سطح پر اجاگر کیا جائے ۔انہوں نے کہا کہ عالمی میڈیا پر بھی پاکستان کا بھرپور موقف آنا چاہیے ۔ وزیراعظم نے اجلاس میں افغانستان بارے بیانیہ پر وزراء کو آگاہ کیا ۔

افغانستان میں جاری غیر ملکیوں کے انخلا بارے بھی بریفنگ دی گئی،چمن اور طورخم بارڈرز کی صورتحال پر بریفنگ دی گئی ،  پی آئی اے کے آپریشنز اور پاکستانی سفارتخانے کی کارکردگی پر بھی بریفنگ دی گئی۔اجلاس میں 4 رکنی کمیٹی کے مسلسل اجلاس منعقد کرنے پر اتفاق رائے ہوگیا۔