لاہور میں خاتون سےدست درازی کا ایک اور واقعہ

تفصیلات کے مطابق  لاہور میں  ایک اور خاتون سے بدتمیزی ک واقعہ  سامنے آگیا،   واقعہ تیرہ اگست کی رات پیش آیا ۔ منچلے نوجوانوں نے چنگ چی میں بیٹھی خاتون کو ہراساں کیا،  منچلوں کی ہلڑ بازی کا مقدمہ لاری اڈا میں درج  کرلیا گیا۔مقدمہ پانچ ہزار نامعلوم ہجوم کے خلاف درج ہوا ہے۔

دوسری جانب  لاری اڈا پولیس نے   واقعہ کا ایک اور مقدمہ درج کر لیا ہے،گریٹر اقبال پارک میں 13 اگست کی رات توڑ پھوڑ اور تشدد کا  دوواقعات پیش آئے۔

پولیس کا کہنا ہے کہ  ایک واقعہ میں سیکورٹی اہلکاروں   کو تشدد کا نشانہ بنایا گیا ، ہجوم  نے موٹر سائیکل اور ایک کیبن کو بھی آگ لگائی، 5 ہزار کے قریب ہجوم  کے خلاف مقدمہ درج کیا گیا ہے۔

ترجمان پنجاب حکومت  فیاض چوہان نے کہا ہے کہ   مینار پاکستان واقعہ میں 3دن میں 20 سے زائد افراد کو گرفتار کیا، یہ لڑکا بھی نہیں بچے گا، ان لوگوں کو نشان عبرت بنائیں گے، فیصلہ عدالتوں نے کرنا ہے، میں نہیں سمجھتا کہ عدالتیں ایسے معاملات میں ان لوگوں کو معافی دیں گی۔ ان واقعات سے پاکستان کی بدنامی ہورہی ہے۔

فیاض چوہان نے مزید کہا کہ  خواتین اور بچوں کی حفاظت کیلئے قوانین موجود ہیں، صرف قوانین پر عمل درآمد نہیں ہوتا جس وجہ سے اس طرح کے واقعات ہوتے ہیں، اس طرح کے لوگوں کی ماں باپ ٹھیک سے تربیت نہیں کرتے، یہ اچھے خاندان کے لوگوں کا کام نہیں کہ کسی کی ماں بہن کو تنگ کرے۔