رکشے میں بیٹھی لڑکی سے نازیبا حرکت کرنے والے شخص کی شناخت ہوگئی

تفصیلات کے مطابق ذرائع کا کہنا ہے کہ لاہور کے علاقے راوی روڈ میں خواتین سے بدسلوکی کرنے والے شخص کی شناخت ہوئی، پولیس نے دونوں ملزمان کو گرفتار کرنے کے لیے کوششیں شروع کردیں۔

ذرائع کا کہنا ہے کہ دونوں ملزمان کی گرفتاری کا ٹاسک سی آئی اے کو سونپا گیا ہے۔

قبل ازیں پولیس ذرائع کا کہنا تھا کہ جشن آزادی کے روز رکشہ میں سوار خواتین کے ساتھ بدسلوکی راوی روڈ پر ہوئی تھی۔

واضح رہے جشن آزادی کے روز رکشے میں موجود خواتین کے ساتھ بدسلوکی کی ایک اور ویڈیو منظرعام پر آئی تھی ، ‏جس میں اوباش نوجوان رکشے میں سوار خواتین کو ہراساں کرتے رہے۔

ویڈیو میں دیکھا جاسکتا ہے کہ اوباش نوجوانوں نے خواتین کو ہراساں کیا اور پیچھا کرتے رہے، اوباش نوجوان موٹر سائیکل ‏سے اتر کر رکشے میں سوار ہوگیا اور خاتون کے ساتھ بدسلوکی کی جبکہ رکشے میں سوار خواتین نے خود کو بچانے کے ‏لیے جوتا اٹھا لیا، خواتین کے ساتھ رکشے میں بچہ بھی سوار تھا۔

‎پولیس نے رکشے میں سوار خواتین سےبدتمیزی کا مقدمہ 10سے12موٹرسائیکل سواروں کےخلاف درج کرلیا۔