وزیرخارجہ شاہ محمود قریشی کا اوآئی سی کے سیکرٹری جنرل کے ساتھ ٹیلیفونک ‏رابطہ

تفصیلات کے مطابق شاہ محمود قریشی کا کہنا ہے کہ توقع ہے کہ افغان رہنما اپنے باہمی اختلافات کے خاتمے اور جامع سیاسی تصفیے کیلئے جاری مذاکرات سے فائدہ اٹھائیں گے،کابل میں جاری مذاکرات کی کامیابی نہ صرف افغانستان بلکہ پورے خطے کیلئے بہتری کا باعث ہو گی۔

وزیر خارجہ نے کہا ہے کہ ضرورت اس امر کی ہے کہ افغان شہریوں کی سیکورٹی اور ان کے حقوق کے تحفظ کو یقینی بنایا جائے،عالمی برادری افغانستان کی بحالی اور تعمیر نو، کیلئے افغانوں کو معاشی معاونت کی فراہمی کیلئے اپنا کردار ادا کرے۔

انہوں نے کہا ہے کہ مسلم امہ پر بھی یہ ذمہ داری عائد ہوتی ہے کہ وہ پرامن، مستحکم اور خوشحال افغانستان کیلئے افغانوں کے ساتھ یکجہتی کا ‏مظاہرہ کرے،ہم کابل میں ایک ایسی وسیع البنیاد حکومت کے خواہاں ہیں۔

وزیرخارجہ نے سیکرٹری جنرل او آئی سی کو افغانستان کے اندر اور باہر کچھ امن مخالف قوتوں کی موجودگی کے خطرے ‏سے بھی آگاہ کیاہے۔

وزیر خارجہ نے کابل میں واپسی کے منتظر مختلف ممالک کے سفارتی عملے، بین الاقوامی اداروں کے ورکرز اور میڈیا ‏نمائندگان کے انخلاء کیلئے پاکستان کی جانب سے فراہم کردہ معاونت سے بھی آگاہ کیاہے۔

شاہ محمود قریشی نے کہا کہ ‎ہمیں توقع ہے کہ کابل میں جاری مذاکرات کی کامیابی سے افغانستان میں دیرپا امن اور استحکام کی راہ ہموار ہو گی۔

 سیکرٹری جنرل او آئی سی ڈاکٹر یوسف العثمین نے وزیرخارجہ کو22 اگست کو جدہ میں افغانستان کے حوالے سے منعقد ہونیوالے او آئی ‏سی ایگزیکٹو کمیٹی کے ہنگامی اجلاس سےمتعلق بھی آگاہ کیاہے۔