خواتین کو ہراساں کرنے کے واقعات ناقابل برداشت ہیں : وزیراعلیٰ عثمان بزدار

تفصیلات کے مطابق وزیراعلیٰ پنجاب سردار عثمان بزدار نے خواتین کو ہراساں کرنے کی ویڈیوز وائرل ہونے کے واقعات کا سخت نوٹس لے لیا ہے اور انسپکٹر جنرل پولیس سے رپورٹ طلب کرلی ہے۔

وزیراعلیٰ عثمان بزدار نے واقعات میں ملوث ملزمان کی جلد از جلد گرفتاری کا حکم دیا ہے۔

وزیراعلیٰ پنجاب نے کہا کہ خواتین کو ہراساں کرنے میں ملوث ملزمان کو جلد قانون کی گرفت میں لایا جائے، خواتین کو ہراساں کرنے کے واقعات کی روک تھام کیلئے فی الفور ٹھوس اقدامات کیے جائیں۔

عثمان بزدار نے کہا کہ ایسے مقامات پر پولیس فورس کی موجودگی کو یقینی بنایا جائے، ایسے عناصر قانون کے تحت سخت سزا کے حق دار ہیں۔

وزیراعلیٰ پنجاب سردار عثمان بزدار نے مزید کہا کہ خواتین قابل عزت ہیں، انہیں پورا تحفظ دیں گے، ان واقعات میں نا صرف انصاف ہوگا بلکہ ہوتا ہوا نظر بھی آئے گا۔