کابل سے طیارہ ہائی جیک ہونے کا دعویٰ درست نہیں ہے : یوکرین وزارت خارجہ

تفصیلا ت کے مطابق  افغانستان میں مسافر طیارہ اغوا ہونے کے حوالے سے ترجمان یوکرین وزارت خارجہ کا  کہنا ہے کہ ہم نے طیارے افغانستان سےلوگوں کو لانے کے لئےکابل بھیجے تھے جو اب واپس یوکرین پہنچ گئے ہیں۔ کابل یا کہیں اور ایسا یوکرینی طیارہ نہیں جسےہائی جیک کیا گیا ہو۔

یاد رہے کہ نائب وزیر یوکرین کے مطابق مسلح ہائی جیکرز کابل سے اتوار کو طیارہ ایران لے گئے ہیں جبکہ ہائی جیک کئے گئے طیارے میں یوکرین کے باشندوں کے بجائے دوسرے افراد بھی سوار تھے۔

دوسری جانب ایرانی ایوی ایشن کا کہنا ہے کہ یوکرینی طیارہ ہائی جیک کرکے ایران لانےکی رپورٹس درست نہیں ہیں۔ ایرانی ایوی ایشن کے ترجمان علی اسلانی کے مطابق یوکرین کا طیارہ گزشتہ روز مشہد ایئر پورٹ پر ری فیولنگ کے لئے لینڈ کیا تھا جس کے بعد وہ اپنی منزل یوکرین کی جانب روانہ ہوگیا تھا اور کیو ایئر پورٹ پر رات ساڑھے 9 بجے لینڈ کر گیا تھا۔