پاکستان ایتھلیٹکس فیڈریشن کا جیولین تھرورز کیلئے خصوصی کیمپ لگانے کا فیصلہ

تفصیلات کے مطابق ملک بھر سے 80 میٹر تک کے  جیولین تھرورز کو تلاش کیا جائے گا  ، ٹیلنٹ ہنٹ کے بعد ایتھلیٹس کو خصوصی تربیت دی جائے گی ۔ ارشدندیم کی وجہ سے جیولین تھرو کو بڑی پذیرائی ملی ہے جس کے بعد  نوجوانوں کو تربیت دینے کافیصلہ کیا گیا ہے ۔

اگلے دو ماہ کے دوران جیولین تھرورز کا ٹیلنٹ ہنٹ پروگرام مکمل کر لیا جائے گا ،مختلف ایج گروپ میں ٹیلنٹ تلاش کیا جائے گا  اورایج گروپ کے لحاظ سے مختلف انٹرنیشنل مقابلوں کے لئے نوجوانوں کو تیار کیا جائے گا ۔

پاکستان ایتھلیٹکس فیڈریشن  کے مطابق ویمن ایتھلیٹس کو بھی کیمپ میں بلا کر مقابلوں کے لئے تیار کیا جائے گا ، کیمپ میں کوچ ،  فزیکل ٹرینر ، ماہر غذائیات اور موٹیویٹر کی خدمات حاصل کی جائیں گی۔