امریکی محکمہ خارجہ (سٹیٹ ڈیپارٹمنٹ) کے نائب ترجمان ویدانت پٹیل نے کہا کہ اسرائیلی فوج کے 5 یونٹس غزہ میں انسانی حقوق کی خلاف ورزیوں میں ملوث پائے گئے ہیں۔

غیر ملکی میڈیا کے مطابق امریکی نائب ترجمان ویدانت پٹیل نے صحافیوں سے گفتگو کرتے ہوئے کہا کہ اسرائیل کے 5 میں سے 4 یونٹس نے موثر طریقے سے خلاف ورزیوں کا ازالہ کیا، پانچوں یونٹ کے بارے میں اضافہ معلومات ملی ہیں جن کے حوالے سے اسرائیلی حکومت کے ساتھ بات چیت جاری ہے۔

ویدانت پٹیل نے کہا کہ جو اصلاحی اقدامات کررہے ہیں ان پر امریکی پابندیاں عائد کئے جانے کا امکان نہیں۔

انہوں نے کہا کہ اسرائیلی حکومت کے ساتھ پانچویں یونٹ کے بارے میں مشاورت جاری ہے جس نے انسانی حقوق کی خلاف ورزیاں کیں۔

سابق وفاقی وزیر فواد چوہدری نے کہا کہ اگر پی ٹی آئی اور مولانا اکٹھے ہو گئے ہیں تو یہ حکومت چند ماہ سے زیادہ نہیں چلے گی۔

انسداد دہشتگردی کی عدالت کے باہر میڈیا سے گفتگو کرتے ہوئے کہا کہ پی ٹی آئی چھوڑی نہیں ، چھوڑ کر جانے والے واپس آتے ہیں۔ موجودہ حکومت کی کوئی ساخت نہیں، فارم 47 پر کھڑی ہے۔

فواد چودھری نےکہا کہ اس وقت مولانا اورصوبہ خیبر پختونخوا ایک طرف کھڑے ہیں،ہم چاہتے ہیں تلخیاں کم ہوں اللہ آسانیاں پیدا کرے۔

انہوں نے مزید کہا کہ بانی پی ٹی آئی یا مولانا صاحب نے کسی کے ساتھ نہیں بیٹھنا، اپنے اپنے اصولوں پر رہنا ہے، یہ حکومت دھاندلی سے آئی ہے، ملک اس وقت مشکل صورتحال سے گزررہا ہے، چاہتے ہیں تلخیاں کم ہوں۔

ڈسٹرکٹ اینڈ سیشن کورٹس اسلام آباد نے بانی پی ٹی آئی اور بشریٰ بی بی کی عدت نکاح کیس کی سزا کےخلاف اپیلوں کے معاملے میں بشریٰ بی بی کے سابق شوہر خاور مانیکا کی عدم اعتماد کی درخواست پر فیصلہ محفوظ کر لیا۔

سیشن جج شاہ رخ ارجمند نے عدت نکاح کیس میں سزا کے خلاف بانی پی ٹی آئی اور بشریٰ بی بی کی اپیلوں پر سماعت کی۔

بشریٰ بی بی کے سابق شوہر خاور مانیکا نے درخواست میں موقف اپنایا کہ میری پوری فیملی میں یہ بات مشہور ہو گئی ہے کہ جج صاحب بانی پی ٹی آئی عمران خان اور ان کی اہلیہ بشریٰ بی بی کو بری کر دیں گے۔سلمان اکرم راجہ نے دلائل دیئے کہ اس ایک جملے پر کسی عدالت کو کیس ٹرانسفر کرنے کا کہنا توہین عدالت میں آتا ہے۔

سلمان اکرم راجہ کا مزید کہنا تھا کہ حال ہی میں جسٹس بابر ستار نے عدم اعتماد کی درخواست پر جرمانہ کیا ہے، خاور مانیکا نے پورے خاندان کو رسوا کیا ہے۔
سیشن جج شاہ رخ ارجمند نے ریمارکس دیئے کہ اس درخواست پر پہلے فیصلہ کر لیتے ہیں پھر آگے دیکھتے ہیں۔

ایڈووکیٹ سلمان اکرم راجہ نے کہا کہ اس اسٹیج پر اس طرح کے ہتھکنڈے ستعمال کررہے ہیں، میری استدعا ہے کہ اس درخواست پر جرمانہ کیا جائے۔

عدالت نے خاور مانیکا کی عدم اعتماد کی درخواست پر فیصلہ محفوظ کر لیا۔