مسلم لیگ نون 3سالہ حکومتی کارکردگی پر وائٹ پیپر جاری کرے گی

ذرائع کے مطابق نون لیگ آج حکومتی کارکردگی پر وائٹ پیپر جاری کرے گی ۔ وائٹ پیپر میں حکومتی ناقص کارکردگی اور 3سالہ کرپشن کو شامل کیا گیاہے ۔ ذرائع مسلم لیگ ن کے مطابق کرپشن اور کارکردگی پر الگ الگ وائٹ پیپر جاری ہوں گے۔

واضح رہے کہ گزشتہ روز تحریک انصاف کی حکومت کے تین سال مکمل ہونے پر جناح کنونشن سینٹر اسلام آباد تقریب منعقد کی گئی تھی ، وزیراعظم عمران خان نے اپنی حکومت کی تین سالہ کارکردگی کے حوالے سے قوم سے خطاب  کیا۔

پاکستان تحریک انصاف کی حکومت 25 جولائی 2018 کو ہونے والے عام انتخابات کے نتیجے میں قائم ہوئی تھی اور عمران خان نے 18 اگست 2018 کو وزیر اعظم کے عہدے کا حلف اٹھایا تھا۔