آرمی چیف کی کابل ائیرپورٹ بم دھماکوں کی شدید مذمت ، آئی ایس پی آر

پاک فوج کے شعبہ تعلقات عامہ (آئی ایس پی آر ) کے مطابق  آرمی چیف جنرل قمر جاوید باجوہ سےامریکی ناظم الامور انجیلا ایگلر نے ملاقات کی ہے۔

آئی ایس پی آر کے مطابق  ملاقات میں باہمی دلچسپی کے امور ، خطے کی سکیورٹی اورافغانستان کی صورتحال پر تبادلہ خیال کیا گیا۔

آرمی چیف کا کہنا تھا کہ پاکستان کا افغانستان میں کوئی فیورٹ نہیں ہے، ہمارا واحد مقصد افغانستان میں امن کے حصول میں مدد دینا ہے۔ آرمی چیف نے کابل دھماکے کی شدید الفاظ میں مذمت کی ہے  اور قیمتی انسانی جانوں کے نقصان پر افسوس کا اظہار کیا ہے۔

آرمی چیف   نے  دہشت گردی اور انتہا پسندی  کے مکمل خاتمے کے عزم کا اعادہ کیا۔امریکی ناظم الامور  نے خطے میں امن کیلئے پاکستان کی کوششوں کو سراہا اورکابل   سے انخلا  آپریشن میں تعاون کرنے پر آرمی چیف کا شکریہ ادا کیا۔