ن لیگ والے نوٹوں کی بوریاں کھول کر سودے کر رہے ہیں:فردوس عاشق

ڈسکہ  میں میڈیا سے گفتگو کرتے ہوئےوزیر اعلی پنجاب  کی معاون خصوصی ڈاکٹر فردوس عاشق اعوان کا کہنا تھا کہ پاکستان کی تاریخ میں پہلی مرتبہ مخالفین کو بھی کھل کر الیکشن لڑنے کی اجازت دی گئی اور ن لیگ والے نوٹوں کی بوریاں کھول کر سودے کر رہے ہیں۔

انہوں نے مزید کہا کہ سندھ میں انتہاء پسند سچ کی عکاسی کی گئی،حلیم عادل شیخ کے ساتھ جو کیا گیا وہ جمہوریت کے منہ پر تمانچہ ہے،حلیم عادل شیخ کو سندھ حکومت کے خلاف تقریر کرنے پر ہتھکڑیاں لگائی گئیں اورایک جمہوریت کا دور پنجاب میں ہے جہاں جعلی راج کماری اور شاہی خاندان کے غلام اداروں کو متنازعہ بنانے کی زبان بول کر گئے،ڈسکہ کے الیکشن کو راج کماری نے جنگ قرار دیا تھا۔