یواے ای کا 30 اگست سے سیاحتی ویزہ کھولنے کا اعلان

تفصیلات کے مطابق  متحدہ عرب امارات نے  ویکسین شدہ افراد کو سیاحتی ویزے پر امارات میں داخلے کی اجازت دے دی ہے۔ تمام ممالک کے ویکسین یافتہ افراد کیلئے 30 اگست  سے سیاحتی ویزہ پر یواے ای آسکیں گے۔اس میں وہ ممالک بھی شامل ہیں جن پر پہلے سفری پابندی تھی۔

عالمی ادارہ صحت(ڈبلیو ایچ او) کی منظور شدہ ویکسین لگانے والے سیاح متحدہ عرب امارات آنے کے اہل ہوں گے،پیشگی کوویڈ پی سی آر ٹیسٹ اور ہوائی اڈوں پر ریپڈ پی سی آر ٹیسٹ لازمی ہونگے۔

خیال رہے کہ حالیہ دنوں یو اے ای نے پابندی میں نرمی کرتے ہوئے پاکستان سمیت دیگر ممالک کے مسافروں کو سفر کی اجازت دی جن کے پاس یو اے ای کا  رہائشی ویزا موجود ہے۔