الیکشن کمیشن میں فیصل واو ڈا کے کاغذات نامزدگی منظور

تفصیلات کے مطابق سینیٹ کی جنرل سیٹ کے امیدوار فیصل واڈا  الیکشن کمیشن سندھ پہنچے اور کاغذات نامزدگی کی جانچ پڑتال کے سلسلے میں ریٹرننگ افسر اعجاز انور چوہان کے سامنے پیش ہوئے اور متعلقہ تفصیلات پیش کیں۔

دوہری شہریت کے حوالے سے وفاقی وزیر نے جواب دیتے ہوئے کہاکہ میں نے دوہری شہریت چھوڑ دی ہے اور اس حوالے سے کاغذات الیکشن کمیشن میں پہلے ہی جمع کرا چکا ہے، جس پر آر او نے فیصل واوڈا کے کاغذات کو درست قراردیتے ہوئے اعتراضات کو مسترد کردیا۔

واضح رہے کہ مسلم لیگ ن نے بھی سینیٹ انتخابات میں فیصل واوڈا کی نامزدگی پر اعتراض اٹھا یا تھا ۔سینیٹ انتخابات کے لیے کاغذات نامزدگی کی جانچ پڑتال کا دوسرے روز لیگی رہنما مفتاح اسماعیل اور محمد زبیرفیصل واوڈا کے خلاف الیکشن کمیشن آفس میں پیش ہوئے۔میڈیا سے گفتگو میں سابقگورنر سندھ محمد زبیر نے کہا ۔ فیصل واوڈا نے جب حلف لیا تو وہ امریکہ کے شہری تھے۔ بینک ڈیفالٹرہونے کے باوجود وہ ایم این اے بھی بن گئے اور اب سینیٹر بننے جارہے ہیں۔

 سابق وفاقی وزیرمفتاح اسماعیل نے کہا ۔ اٹارنی جنرل بتائیں وہ کون لوگ ہیں جو پیسے لے کراسلام آباد میں گھوم رہے ہیں۔۔ عمران خان کو جواب دینا ہوگا کہ انہیں سینیٹ میں ٹکٹسکی خرید و فروخت کا کیسے پتہ چلا؟لیگی رہنماوں نے مرحوم مشاہد اللہ خان کو بھی خراج تحسین پیش کیا۔ ان کا کہنا تھا ۔ سینیٹر مشاہد اللہ کی ملکاور جمہوریت کے لیے بہت خدمات ہیں۔۔ انہوں نے ہمیشہ قانون اور آئین کی بالادستی کےلیے جدوجہد کی۔