کل وزیرآباد کا الیکشن دو نظریات کی جنگ ہے:فردوس عاشق

وزیرآباد میں پریس کانفرنس کرتے ہوئے مشیر اطلاعات وزیر اعلی پنجاب ڈاکٹر فردوس عاشق اعوان کا کہنا تھا کہ ن لیگ کی پوری قیادت دونوں حلقہ جات ڈسکہ اور وزیرآباد میں نوٹوں کی بوریاں پھینکنے کے درپے ہے،ن لیگ کی جعلی راج کماری نے یہاں زبان درازی کی اور پی ٹی آئی کی قیادت کو نشانہ بنایا،سیاسی جماعتیں اپنے سیاسی بیانے کے ساتھ اپنے اپنے کیمپوں میں موجود ہے اور ن لیگ پی ڈی ایم کا متنجن لیے ان الیکشنز میں اثر انداز ہونے کے لیے ہر حربہ استعمال کر رہے ہیں،یہاں وزیرآباد میں انکے حواری اور کارندے دندناتے رہے یہ مافیاز بن چکے ہیں لیکن تحریک انصاف کے ورکرز اور وزیرآباد پی ٹی آئی کی قیادت نے جرات سے اس مافیاز کا مقابلہ کیا اور انہیں بھگایا ہے۔

انہوں نے مزید کہا کہ کل کا الیکشن دو نظریات کی جنگ ہے،ن لیگ،پی ڈی ایم کا نظریہ لوٹ مار سے جرا اور کرپشن سے لیس ہے جبکہ پی ٹی آئی کانظریہ شفافیت اور ملکی ترقی کا نظریہ ہے،یہاں موروثیت کا خاتمہ کرنے کے لیے پی ٹی آئی کارکنان پر عزم ہیں،موروثیت کی سیاست کی جڑیں اکھاڑنا ہمارا مشن ہے۔