سینیٹ الیکشن،پنجاب سے ٹیکنوکریٹ کی 2 نشستوں پر امیدوار بلامقابلہ منتخب

ترجمان الیکشن کمیشن کے مطابق پنجاب سے ٹیکنوکریٹ کی سیٹ پر پاکستان تحریک انصاف کے امیدوارعلی ظفر اور مسلم لیگ ن کے امیدوار اعظم نذیر تارڑ بلامقابلہ منتخب ہو گئے ہیں،دونوں امیدواروں کے مقابلے میں کوئی تیسرا امیدوار سامنے نہیں آیااور ٹینکوکریٹ کی نشست پر اعظم نذیر تارڑ کے مقابلے میں پی ٹی آئی کے عطااللہ نے کاغذات نامزدگی واپس لے لیےتھے، کچھ دنوں تک دونوں نومنتحب سینٹرز کا نوٹیفکیشن جاری کیا جائے گا۔

 الیکشن کمیشن میں سینیٹ انتخابات کے لئے کاغذات کی جانچ پڑتال مکمل کر لی گئی ہے اور پنجاب سے 21 امیدواروں کے کاغذات نامزدگی منظور اور 2 کے مسترد ہوگئے۔ پرویز رشید اور خواتین کی نشست پر نیلم ارشاد کے کاغذات مسترد ہوئے۔

علاوہ ازیں پنجاب سے سینیٹ کی دو خواتین نشستوں پر بھی امیدوار بلا مقابلہ منتخب ہو گئیں ہیں جن میں ن لیگ کی سعدیہ عباس اور پی ٹی آئی کی ڈاکٹر زرقاءسہروردی شامل ہیں ۔

حکام کے مطابق ن لیگ کے سعود مجید اور پی ٹی آئی کی روبینہ اختر سکروٹنی کمیٹی کے سامنے پیش نہ ہوئیں، لیگی امیدوار سعود مجید کو گزشتہ روز پارٹی ٹکٹ جمع کرانے کی ہدایت کی گئی تھی جبکہ سینیٹ کے لیگی امیدوار مشاہد اللہ خان گزشتہ رات وفات پا گئے تھے۔