غیر ملکی باشندوں سے بٹ کوائن لوٹنے والوں کو دھر لیا گیا

تفصیلات  کے مطابق لاہورمیں غیر ملکی باشندوں سے بٹ کوائن لوٹنے والےملزمان کے قبضے سے 6300 یوروز برآمد کیے گئے ہیں جبکہ ایک کروڑ سے زائدمالیت کے بٹ کوائن کی ریکوری کے لیے بھی کوششیں جاری ہیں۔

ڈی آئی جی آپریشن سہیل سکھیرا کا کہنا تھا کہ پولیس نے فورا کارروائی کرتے ہوئے بندے کو گرفتار کیا، بندوں کو گرفتار کرنے کے بعد ریکوری بھی کرلی گئی ہے،مکمل ریکوری نہیں ہوئی لیکن کافی حد تک ریکوری ہوگئی ہے،کسی بھی قسم کا جرم برداشت نہیں کیا جاسکتا، غیرملکی لوگوں کو لوٹنے سے ملک کی بدنامی ہوتی ہے۔

انہوں نے مزید کہا کہ  ملزم انٹرنیٹ کے ذریعے رابطہ کرکے فراڈ کرتے ہیں،ملزموں کو انٹرنیٹ سے ہی ٹریک کیا گیا ہے۔