کوئٹہ:مستونگ روڈ پر سونا خان کے قریب دھماکہ میں3افراد جاں بحق  متعدد زخمی                                                                    

پولیس کے  مطابق مستونگ روڈ پر سونا خان کے قریب دھماکہ ہوا ہے ، جس میں 3افراد جاں بحق ہوگئے ہیں جبکہ  20زخمی                                                                     ہیں ۔

ذرائع کے مطابق  امدادی ٹیمیں جائے واقعہ پہنچ گئی ہیں اور   زخمیو ں کو قریبی شیخ زائد ہسپتال منتقل کر دیا جارہاہے۔

پولیس کا کہنا ہے کہ   مستونگ روڈ ہزار گنجی پارک  کےقریب دھماکہ خودکش تھا، دھماکے میں نشانہ سیکورٹی فورسز کی گاڑی کو بنایا گیا،  خودکش بمبار موٹر سائیکل پر سوار تھا، خودکش حملہ آور کے جسمانی اعضاء مل گئے ہیں ۔

پولیس کے مطابق  دھماکے میں 3افراد جاں بحق 20افراد زخمی ہوئے ہیں ،مستونگ روڈ کوئٹہ کراچی قومی شاہراہ پر ہوا،سیکورٹی فورسز نے جائے واقعہ کو مکمل گہرے میں لے رکھاہے اور جائے واقعہ سے شواہد اکھٹے کئے جارہے ہیں۔