نواز ، زرداری کا یوسف رضا گیلانی کو کامیابی دلانے کا عہد

جی این این کے مطابق پیپلز پارٹی اور ن لیگ کی قیادت نے سابق وزیراعظم یوسف رضا گیلانی کو سینیٹ میں کامیابی دلانے  کی ٹھا ن لی ۔ اس مقصد کے لیے ن لیگ کے قائد نواز شریف اور پیپلز پارٹی کے شریک چیئرمین آصف علی زرداری میں اعلیٰ سطح کا رابطہ ہوا ہے ۔ دونوں رہنماؤں میں سینیٹ انتخابات سمیت سیاسی صورتحال پر تبادلہ خیا ل ہوا ۔ تاہم گفتگو کے دوران دونوں رہنماؤں نے گیلانی کو سینیٹ کامیاب کرنے کا عہد کیا۔ 

ذرائع کے مطابق یوسف رضا گیلانی بھی کامیابی کا حتمی پلان تیار کرنے آج کراچی پہنچے گے، جہاں وہ پیپلز پارٹی کے چیئرمین بلاول بھٹو زرداری اور سابق صدر آصف علی زرداری سے مشاورت کرینگے۔ ذرائع نے بتایا کہ یوسف رضا گیلانی نےکاغذات نامزدگی منظور ہوتے ہی مریم نواز، اور مولانا فضل الرحمن سے بھی رابطہ کیا، جبکہ یوسف رضا گیلانی کی جلد اہم مزید ملاقات ہونگی۔ 

واضح رہے کہ الیکشن کمیشن نے پی ٹی آئی کے اعتراضات مسترد کرتے ہوئے سینیٹ انتخابات کیلئے سابق وزیراعظم اور پی ڈی ایم کے امیدوار یوسف رضا گیلانی کے کاغذات نامزدگی منظور کر لیے۔ الیکشن کمیشن نے تفصیلی فیصلے میں کہا ہے کہ  یوسف رضا گیلانی کی 5سالہ نااہلی ختم ہوچکی ہے  جبکہ یوسف رضا گیلانی کیخلاف مقدمات عدالتوں میں زیرالتواہیں، عدالتوں میں زیرالتوامقدمات پرکسی کو الیکشن لڑنے سے نہیں روکا جاسکتا، لہذا ٰ  یوسف رضا گیلانی سینیٹ الیکشن لڑنے کیلئے اہل ہیں۔