افغانستان میں امن بھارت سے برداشت نہیں ہو رہا:گورنرپنجاب چودھری سرور

گورنر پنجاب چودھری سرور نے سماجی رابطے کی ویب سائٹ پر اپنے ٹویٹ میں کہا کہ پاکستان آج بھی امن کیساتھ مگر بھارت امن دشمنوں اور دہشت گردوں کیساتھ کھڑا ہے، افغانستان میں امن بھی بھارت سے برداشت نہیں ہو رہا، وہ سازشیں کر رہا ہے۔

چودھری سرور کا کہنا تھا کہ پاکستان آج پوری دنیا میں بھارتی دہشت گردی اور کشمیریوں پر مظالم کو بے نقاب کر رہا ہے، بھارت مسلمانوں کیخلاف جرائم اور اسلامو فوبیا کو فروغ دے رہا ہے، دنیا کو نوٹس لینا ہوگا، پاکستان اقلیتوں کے لیے محفوظ تر ین اور بھارت اقلیتوں کیلئے خطر ناک ترین ملک بن چکا ہے۔

گورنر پنجاب نے مزید کہا کہ کشمیریوں کے ساتھ بھارتی افواج کا شرمناک سلوک بنیادی انسانی حقوق کا قتل ہے، 22 کروڑ پاکستانی اپنے کشمیری بہن بھائیوں کیساتھ ہیں، کسی قربانی سے دریغ نہیں کریں گے۔