عمران خان نے رمیز راجا کو کرکٹ درست کرنے کے لیے بھیجا ہے:عاقب جاوید

سابق پاکستانی باولر عاقب جاوید نے میڈیا سے گفتگو کرتے ہوئے کہا ہےکہ  عرصے دراز کے بعد ایسا  چیئرمین دیکھا ہے اس میں اتنی انرجی ہے ،  رمیز راجا کی عمر بھی کم ہے وہ کام کر سکتے ہیں ، رمیز راجا کرکٹ کا وسیع تجربہ رکھتے ہیں ،  عمران خان نے رمیز راجا کو کرکٹ درست کرنے کے لیے بھیجا ہے۔

 سابق کپتان معین خان  نے گفتگو کرتے ہوئے کہا ہے کہ  رمیز راجا کے قول و فعل میں کوئی تضاد نظر نہیں آیا ،  وہ اپنی پالیسیوں میں وضع ہیں پاکستان کرکٹ میں فرق نظر آئے گا ۔انہوں نے کہا کہ   اعظم خان پر تنقید ہونے سے مجھے بہت مزہ آتا ہے ، یہی تنقید اس کو بڑا کھلاڑی بنائے گی ، تنقید کھلاڑی کے لیے اچھی ہوتی ہے ،  اعظم خان میں سکلز ہیں اس کو نظر انداز نہیں کرنا چاہیے۔  ان کا مزید کہنا تھا کہ  میں نے کوئی سفارش نہیں کی میری تو کوئٹہ گلیڈی ایٹرز میں اعظم کے لیے سفارش نہیں چلتی ۔

قبل ازیں  سابق کپتان رمیز راجہ پی سی بی کے بلامقابلہ چیئرمین منتخب ہوگئے تھے، رمیز راجہ پی سی بی کے 36 ویں چیئرمین ہیں ۔ رمیز راجہ چیئرمین بننے والے چوتھےسابق کرکٹر بن گئے ہیں ۔  رمیز راجہ یہ ذمہ داری تین سال کے لیے سنبھالیں گے ۔

پاکستان کرکٹ بورڈ (پی سی بی )کے نو منتخب چیئرمین رمیز راجہ نے  آسٹریلیا کے جارحانہ اوپنر میتھیو ہیڈن کو بیٹنگ اور جنوبی افریقہ کے ورنن فلینڈر کو باؤلنگ کوچ نامزد کردیا ہے ۔