سکولوں میں تعلیمی سال کا دورانیہ جون 2022 تک بڑھا دیا گیا

لاہور: محکمہ سکول ایجوکیشن نے لاہو ر، راولپنڈی ، فیصل سمیت پنجاب کے سکولوں میں تعلیمی سال کے دورانیے میں اضافہ کردیا گیا ہے ۔

وزیرتعلیم پنجاب مراد راس نے سوشل میڈیا کی ویب سائٹ ٹویٹر پر ایک پیغام میں کہا ہے کہ سکولوں کے تعلیمی سال 2021-22کے دورانیے کو بڑھا دیا گیا ہے۔

اب تعلیمی سال کا دورانیہ جون 2022 تک ہوگا ۔ سکولوں کے سالانہ امتحانات جون میں ہوں گے ، تعلیمی سال کے دوارنیے میں اضافہ عالمی وبا کورونا کے باعث اور سکولوں کی بندش کی وجہ سے کیا گیا ہے۔

واضح رہے کہ  پنجاب بورڈز چیئرمینز کمیٹی نے حکومت سے استدعا کی تھی کہ جاری سال میں چھٹیوں کی تعداد اور آئندہ امتحان کے انعقاد سے آگاہ کیا جائے ۔ تاکہ پنجاب کریکولم اینڈ ٹیکسٹ بک بورڈ طلباء کا امتحانی نصاب تیار کرسکے ۔