دہشتگرد گروپوں کیلئے عام معافی  کا فیصلہ  مظلوموں کی توہین ہے: بلاول بھٹو

تفصیلات کے مطابق سماجی رابطے کی ویب سائٹ ٹوئٹر پر ایک بیان میں چیئرمین پاکستان پیپلزپارٹی بلاول بھٹو زرداری نے کہا کہ پاکستان کے اندر سرگرم دہشت گرد گروہوں کے لیے عام معافی کا فیصلہ یکطرفہ اور دہشت گردی کے متاثرین کی توہین ہے ۔ ان کا کہنا تھا کہ مشرقی اور مغربی سرحدوں اور پاکستان کے اندر دہشت گردوں کو خوش کرنے کی پالیسی کے نقصانات ہمیں مستقبل میں ‏بھگتنا ہوں گے ۔ 

The unilateral decision to offer amnesty to terrorist groups within Pakistan is an insult to the thousands of victims of terrorism. Imran’s policy of appeasement to religious fascism within Pakistan as well as on our eastern & western borders will haunt us in-times to come.

— BilawalBhuttoZardari (@BBhuttoZardari) September 17, 2021

یاد رہے کہ وزیر خارجہ شاہ محمود قریشی نے اپنے ایک بیان میں  کالعدم تحریک طالبان پاکستان (ٹی ٹی پی) کو مشروط معافی کی پیش کش کی ہے۔ ایک انٹرویو میں انہوں  نے کہا  کہ اگر تحریک طالبان پاکستان دہشتگردی میں ملوث نہ ہونے کا وعدہ کرے اور پاکستان کا آئین تسلیم کرے تو پاکستان انھیں معافی دینے پر غور کرنے کے لیے تیار ہے۔

وزیر خارجہ شاہ محمود قریشی کا بیان صدر عارف علوی کی جانب سے دیے گئے ایک انٹرویو کے کچھ روز بعد سامنے آیا ہے۔