شمالی وزیرستان میں سیکیورٹی فورسز کا آپریشن ، ٹی ٹی پی کمانڈر ہلاک

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی وزیرستان کے علاقے میر علی میں آپریشن کیا جس میں کالعدم  ٹی ٹی پی کا دہشت گرد مارا گیا۔

آئی ایس پی آر کے مطابق   صفی اللّٰہ کا تعلق میر علی سے تھا اور وہ فروری میں غیر سرکاری تنظیم کی 4 خواتین کے قتل سمیت ایف ڈبلیو او کے انجینئرز کی ٹارگٹ کلنگ میں بھی ملوث تھا۔ سیف اللہ دیسی ساختہ بارودی سرنگوں کے حملوں، اغوا برائے تاوان میں بھی مطلوب تھا۔

آئی ایس پی آر کا مزید کہنا ہے کہ سیکیورٹی فورسز نے آپریشن  کے دوران بھاری مقدار میں  اسلحہ اور گولہ بارود بھی  قبضے میں لے لیا  ۔