محکمہ موسمیات نے رواں ہفتے ملک بھر میں بارشوں کی پیشگوئی کردی

اسلام آباد : محکمہ موسمیات کی جانب سے رواں ہفتے کے دوران پاکستان بھر میں بارشوں کی پیشگوئی کردی گئی ہے ۔ 

محکمہ موسمیات کے مطابق آج رات سے مون سون ہوائیں ملک کے بالائی علاقوں میں داخل ہونے کا امکان ہے جو کہ 25 ستمبر تک ملک کے دیگر حصوں میں بارش کا باعث بن سکتی ہیں ۔ 

محکمہ موسمیات کے مطابق آج سے جمعہ تک کشمیر ، اسلام آباد ، راولپنڈی میں وقفے وقفے سے گرج چمک کے ساتھ بارش کا امکان ہے ، جبکہ اٹک ، چکوال ، جہلم ، گجرات ، منڈی بہاوالدین ، مانسہرہ میں وقفے وقفے سے بارش متوقع ہے ، ہری پور، مردان ، چارسدہ ، نوشہرہ ، دیر میں وقفے وقفے سے بارش کی پیش گوئی کی گئی ہے ۔