نیوزی لینڈ کپتان کین ولیمسن نےدورہ پاکستا ن منسوخی کو شرمناک قرار دیدیا

پاکستان اور نیوزی لینڈ کے خلاف سیریز   پہلے میچ کے شروع ہونے سے کچھ دیر قبل ہی منسوخ کر دی گئی ، نیوزی لینڈ کی جانب سے کہا گیا  کہ سیکیورٹی خدشات کے پیش نظر کھلاڑیوں کو میدان میں نہیں اتار سکتے۔ سیریز کی منسوخی کے بعد نیوزی لینڈ کے کپتان کین ولیمسن  کا بیان بھی سامنے آگیا ۔ نیوزی لینڈ کے کپتان کین ولیمسن انڈین پریمیئر لیگ کی مصروفیات کی وجہ سے پاکستان کے دورے پر نہیں آسکے تھے ۔

نیوزی لینڈ کے کپتان کین ولیمسن نے ایک انٹرویو میں  دورہ پاکستان کی منسوخی کو شرمناک قرار دیتے ہوئے کہا کہ مجھے زیادہ تفصیلات نہیں پتا،لیکن یہ اچانک ہوا، پاکستان میں کرکٹ کو بہت پسند اور سپورٹ کیا جاتا ہے،مجھے اندازہ ہے پاکستان کے لوگوں کو دورے کی منسوخی سے مایوسی ہوئی ہوگی۔

انہوں نے مزید کہا کہ مجھے امید ہے تمام ملک اپنی کرکٹ اپنے ہی ملک میں کھیلیں گے،نیوزی لینڈ ٹیم کا وہاں جانا ایک اچھا قدم تھا  اور سب کرکٹ کھیلنے کیلئے تیار تھے۔ ان کی حکومت کا فیصلہ کھلاڑیوں کیلئے ہی کیا گیا ہے۔ ولیمسن نے کہاکہ کیوی کپتان دورے کی منسوخی  طویل المیعادنہیں ہوگا ۔  کیوی کپتان نے پاکستان کی حوصلہ افزائی کرتے ہوئے کہاکہ  پاکستان کرکٹ کھیلنے کیلئے ایک خصوصی جگہ ہے ، انٹرنیشنل کرکٹ کی واپسی کیلئے پاکستان نے بے پناہ اقدامات کیے ہیں اور امید کرتا ہوں کہ وہاں مزید کرکٹ ہوگی۔

دوسری جانب نیوزی لینڈ کرکٹ بورڈ کے چیف ایگزیکٹو آفیسر ڈیوڈ وائٹ  کاکہنا ہے  کہ منسوخ میچز دوبارہ کھیلنے سے متعلق کچھ عرصے میں سوچ بچار کریں گے جبکہ دورہ منسوخ ہونے پر پی سی بی کو جو فنانشل نقصان ہوا اس بارے میں بھی غور کیا جائے گا۔

یاد رہے کہ پاکستان اور نیوزی لینڈ کے خلاف سیریز منسوخ کر دی گئی ہے، نیوزی لینڈ کی جانب سے سیکیورٹی خدشات کو جوازبنا کر پیش کیا گیا ہے ۔ واضح رہے کہ اس سے پہلے نیوزی لینڈ کے سیکیورٹی ادارے پاکستان کو کلئیر کر چکے تھے لیکن میچ سے چند منٹ دورے کو ختم کرنے کا اعلان کیا گیا۔