پی ٹی آئی کا سندھ حکومت کے خلاف احتجاجی مظاہروں کا اعلان

تفصیلات کے مطابق  پی ٹی آئی کراچی کی اعلیٰ قیادت اراکین قومی و صوبائی اسمبلی کا انصاف ہاؤس میں ہنگامی اجلاس ہوا، اجلاس میں سندھ حکومت کے خلاف احتجاجی مظاہروں کا اعلان کیا گیا۔

پی ٹی آئی کے رہنما خرم شیر زمان کا کہنا ہے کہ  23 تاریخ کو انتقامی کاروائیوں کے خلاف کراچی پریس کلب پر احتجاج ہوگا، احتجاج میں پورے کراچی سے کارکنان اراکین رہنماء شرکت کریں گے، سندھ حکومت کی مسلسل انتقامی کارروائی کا سلسلہ جاری ہے، انتقامی کاروائیوں کا سلسلہ نہ رکا تو احتجاج کا دائرہ وسیع کریں گے اور  اگلے لائحہ عمل کا اعلان احتجاجی مظاہرے میں کریں گے۔