یوٹیوب کا   ڈیسک ٹاپ ورژن پر  ڈاؤن لوڈ بٹن متعارف کروانےکا فیصلہ

تفصیلات کے مطابق لیپ ٹاپ اور کمپیوٹر صارفین کیلئے یہ ڈاؤن لوڈ بٹن کسی ویڈیو کو اوپن کرنے پر شیئر آپشن کے ساتھ موجود ہوگا۔ جبکہ براؤزنگ کے دوران تھری ڈاٹ مینیو میں دریافت کیا جاسکے گا۔جب کسی ویڈیو کو ڈاؤن لوڈ کیا جائے گا تو وہ  آف لائن یوٹیوب ویڈیو میں محفوظ ہوجائےگی۔جبکہ ڈاؤن لوڈ کی گئی  ویڈیوز کو 144 پی سے 1080 پی ریزولوشن میں دیکھا جا سکے گا ۔

اس فیچر  سے کسی بھی ویڈیو کو ڈاؤن لوڈ کیا جاسکتا ہے  لیکن یہ دستیاب اسٹوریج پر منحصر ہوگا۔یہ فیچر اس وقت پریمیئم سبسکرائبرز کیلئے دستیاب ہے۔تاہم  اس حوالے سے کچھ نہیں کہا جا سکتا کہ  یہ فیچر تمام صارفین کے لیے دستیاب ہوگا یا نہیں یا کب تک باضابطہ طور پر متعارف کروایا جائے گا۔