پی ایس ایل 6، کوئٹہ گلیڈی ایٹرز کا لاہو رقلندرز کو جیت کیلئے 179 رنز کا ہدف

تفصیلات کے مطابق  کوئٹہ گلیڈی ایٹرز نے پہلے کھیلتے ہوئے   6 وکٹوں کے نقصان پر 178 رنز بنائے،  کوئٹہ گلیڈی ایٹرز نے لاہور قلندرز کو جیت کے لیے 179 رنز کا ہدف دے دیا۔

کوئٹہ گلیڈی ایٹرز کی جانب سے  کرس گیل 68 رنز بناکر ٹاپ سکورر رہے، سرفراز احمد نے 40، اعظم خان نے 13 رنز کا اضافہ کیا، محمد نواز 33، انور علی 1 رن بناکر ناٹ آؤٹ رہے۔

لاہور قلندرز کی طرف سے حارث رؤف نے 3 شکار کیے،  شاہین شاہ آفریدی، راشد خان اور احمد دانیال نے ایک ایک وکٹ حاصل کی۔

واضح رہے کہ  پاکستان سپر لیگ (پی ایس ایل ) کے چھٹے ایڈیشن کے چوتھے میچ میں لاہور قلندر نے ٹاس جیت کر فیلڈنگ کا فیصلہ کیا تھا۔

لاہور قلندرز کی ٹیم میں کپتان سہیل اختر، فخر زمان، سلمان علی آغا، محمد حفیظ، بین ڈنک، سمتھ پٹیل، ڈیوڈ ویزے، راشد خان، احمد دانیال، شاہین شاہ آفریدی اور محمد سلمان مرزا شامل ہیں۔

کوئٹہ گلیڈی ایٹرز  کی ٹیم میں کپتان سرفراز احمد  ، کیمرون ڈیلپورٹ، کرس گیل، فاف ڈوپلیسز، صائم ایوب، ٹام بانٹن، عثمان خان، عبدالناصر، بین کٹنگ، محمد نواز، اعظم خان، سرفراز احمد (کپتان)، انور علی، اریش علی خان، ڈیل سٹین، حسن خان، محمد حسنین، نسیم شاہ، قیس احمد، عثمان خان شنواری اور زاہد محمود شامل ہیں ۔