پرویز رشیدسینیٹ الیکشن سے نااہل ، مریم نواز کا ردعمل سامنے آگیا

تفصیلات کے مطابق مسلم لیگ ن کی نائب صدر مریم نواز نے پرویز رشید کے نااہل ہونے پر سماجی رابطے کی ویب سائٹ پر ردعمل کااظہار  کرتے ہوئے کہا کہ پرویز رشید جمہوریت کی ایک روشن علامت کا نام ہے، ایسی علامتیں ہر حال میں زندہ رہتی ہیں۔ ان کا کہنا تھا کہ  وہ کل بھی پارٹی کا اثاثہ تھے، آئندہ بھی نواز شریف کے معتبر ساتھی اور جمہوریت کے جانباز سپاہی کی حیثیت سے سرمایہ رہیں گے۔

پرویز رشید ایک فرد کا نہیں،ایک سوچ،ایک نظریے اورجمہوریت کی ایک روشن علامت کا نام ہے۔ ایسی علامتیں ہر حال میں زندہ رہتی ہیں۔ وہ کل بھی پارٹی کا اثاثہ تھے آئیندہ بھی نواز شریف کے معتبر ساتھی اور جمہوریت کے جانباز سپاہی کی حیثیت سے پارٹی کا ہی نہیں قومی سیاست کا سرمایہ رہیں گے۔

— Maryam Nawaz Sharif (@MaryamNSharif) February 23, 2021

واضح رہے کہ آج  الیکشن ٹریبونل نے مسلم لیگ ن کے رہنما پرویز رشید کی  ریٹرننگ آفیسر کے کاغذات نامزدگی مسترد ہونے  کیخلاف  اپیل مسترد کرتے ہوئے سینیٹ الیکشن کیلئے نا اہل قرار دے دیا۔ 

اس حوالے سے لیگی رہنما پرویز رشید نے میڈیا سے گفتگو کرتے ہوئے کہا کہ مجھے بے بنیاد الزام پر نااہل کیا گیا، سرکاری کاغذات میں مجھے نادہندہ ظاہر کیا گیا، انصاف والے اب دھند اور دھاندلی والے ہوگئے، پنجاب ہاؤس کی انتظامیہ انصاف والوں کی انتظامیہ ہے، کاغذات رکوانے ہوں تو کہتے ہیں پرویز رشید سے پیسے لینے ہیں۔ دھند اور انصاف والوں کی طرف سے رکاوٹیں کھڑی کی جا رہی ہیں۔