مسلم لیگ ن کو23 پولنگ اسٹیشن پر اعتراض ہےتو وہاں دوبارہ الیکشن کرالیں: فواد چودھری

تفصیلات کے مطابق  وفاقی وزیر فواد چودھری نے دیگر رہنماؤں کے ہمراہ اسلام آباد میں میڈیا سے گفتگو کرتے ہوتے ہوئے کہا کہ مسلم لیگ ن بار بار اپنا موقف تبدیل کر رہی ہے، قانونی طور پر الیکشن کمیشن رزلٹ روکنے کا مجاز نہیں،   ہم  متنازع واقعات سے بچنے کیلئے انتخابی اصلاحات  کی طرف جارہے ہیں اس کیلئے   الیکٹرانک ووٹنگ   کانظا م لارہے ہیں ۔ فواد چودھری نے مزید کہا کہ عمران خان نے ہمیشہ انتخابات کو شفاف بنانے کی بات کی ، کرکٹ میں بھی عمران خان نیوٹرل ایمپائر لائے تھے ۔  تحریک انصاف جب سےآئی  ہے  اداروں کو مضبوط کیا ہے کمیشن آزاد ادارہ ہے اس کے اختیارات کا احترام کرتے ہیں۔

پی ٹی آئی رہنما عثمان ڈار کا کہنا تھا کہ ن لیگ نے ہمیشہ کی طرح اپنا بیانیہ تبدیل کیا، ڈسکہ کے عظیم لوگوں نے تحریک انصاف کو ووٹ دیا، تمام نتائج یہ لوگ تسلیم کر چکے تھے، 337 پولنگ سٹیشن پر پہلے ن لیگ کو کوئی اعتراض نہیں تھا، آج الیکشن کمیشن میں ان لوگوں نے بڑا یوٹرن لیا، ڈسکہ کے لوگوں کے فیصلے کا دفاع کریں گے، الیکشن کمیشن پر ہمیں پورا اعتماد ہے،مزید چیزیں ہم الیکشن کمیشن میں جمع کروائیں گے۔