ٹی 20ورلڈکپ: اسکاٹ لینڈ نے پاپوا نیوگنی کو شکست دے دی

تفصیلات کے مطابق ٹی 20 ورلڈکپ کے کوالیفائنگ راؤنڈ کے پانچویں میچ میں اسکاٹ لینڈ کے کپتان نے ٹاس جیت کر پہلے بیٹنگ کا فیصلہ کیا تھا۔

اسکاٹ لینڈ کی ٹیم نے پہلے کھیلتے ہوئے مقرررہ 20 اوورز میں 9 وکٹوں کے نقصان پر 165 رنز بنائے، اسکاٹش بلے باز ریچی بیرینگٹن 70 رنز بنا کر نمایاں رہے۔

ان کے علاوہ میتھیوکراس  نے 45 اور جارج منسے نے 15 رنز بنائے، پاپوانیوگنی کی جانب سے  کابوا موریا نے 31 رنزدے کر 4  وکٹیں حاصل کیں۔

ہدف کا تعاقب کرتے ہوئے پاپوا نیوگنی کی ٹیم 19اعشاریہ 3 اوورز میں 148 رنز بنا سکی پاپوا نیوگنی کے 6 کھلاڑی ڈبل فیگرز میں بھی داخل ناہوسکے۔