ٹی 20ورلڈکپ کے دوسرے میچ میں بنگلہ دیش اور عمان مد مقابل ہونگے

تفصیلات کے مطابق آئی سی سی مینز ٹی ٹوئنٹی ورلڈکپ 2021 کے کوالیفائنگ راؤنڈ میں آج بھی دو میچز کھیلے جائیں گے۔

ٹی ٹوئنٹی ورلڈ کپ میں آج کھیلے جانے والے پہلے میچ میں پاپوانیوگنی کا مقابلہ اسکاٹ لینڈ سے دوپہر تین بجے شروع ہوا تھا جبکہ آج دوسرے میچ میں بنگلا دیش اور عمان شام 7 بجے مدمقابل ہوں گے۔

خیال رہے کہ آئی سی سی ٹی ٹوئنٹی ورلڈکپ کے پہلے میچ میں عمان اور پاپوانیوگنی کا مقابلہ ہوا تھا جو عمان نے باآسانی سے جیت لیا تھا ۔

بنگالی ٹیگرز کا پہلا میچ اسکاٹ لینڈ سے ہوا تھا جو سکاٹ لینڈ نے 6 رنز سے جیت لیا تھا۔ 

یاد رہے کہ گزشتہ روز کھیلے گئے میچز میں سری لنکا نے نمیبیا اور آئرلینڈ نے نیدرلینڈز کو باآسانی شکست دی تھی۔