آسٹریلیا کے سابق کرکٹر مائیکل سلیٹر گرفتار 

میڈیا رپورٹس کے مطابق سابق آسٹریلوی کرکٹر مائیکل سلیٹر کو مبینہ طور پر گھریلو تشدد  کرنے پر نیوساؤتھ ویلز پولیس نے حراست میں لیا ہے ، مبینہ گھریلو تشدد کا واقعہ12 اکتوبر  کو  پیش آیا  تھا تاہم گرفتاری آج صبح کی گئی ہے۔

میڈیا  رپورٹس  میں کہا گیا ہے کہ مائیکل سلیٹر کو ابھی چارج نہیں کیا گیا اس حوالے سے معاملے پر پوچھ گچھ کی جارہی ہے۔

واضح رہے کہ 51 سالہ مائیکل سلیٹر2001 میں کرکٹ سے ریٹائر منٹ لے چکے ہیں ، وہ  42 ون ڈے اور 74 ٹیسٹ میچز میں آسٹریلیا کی نمائندگی کر چکے ہیں، انہوں نے ٹیسٹ میں 5312 اور ون ڈے میں 987 رنز بنائے ہیں۔