لاہور قلندرز نے کراچی کنگز کو 6 وکٹوں سے شکست دے دی

پاکستان سپر لیگ (پی ایس ایل )6 کے 11ویں میچ میں لاہور قلندرز نے کراچی کنگز کو 6 وکٹوں سے شکست دے دی۔ لاہور قلندرز نے 187 رنز کا ہدف 4 گیندوں پہلے پورا کرلیا۔

لاہور قلندرز کی جانب سے   فخر زمان 83 رنز بناکر ٹاپ سکورر رہے، سہیل اختر اور جو ڈینلی بغیر کوئی رن بنائے آؤٹ ہوئے جبکہ  محمد حفیظ 15 رنز بناسکے۔ بین ڈنک 57، ڈیوڈ ویزے 29 رنز بناکر ناٹ آؤٹ رہے۔

کراچی کنگز کی جانب سے  محمد عامر اور وقاص مقصود نے ایک ایک شکار کیا۔

کراچی کنگز کی جانب سے  شرجیل خان  64 رنز بناکر ٹاپ سکورر رہے ،  محمد نبی 57، ڈینئل کرسچن 27 رنز بناسکے ۔  بابر اعظم نے 5، جو کلارک نے 4 رنز بنائے ۔وقاص مقصود 12 رنز بناکر آؤٹ ہوئے جبکہ عماد وسیم،کولن انگرام اور محمد عامر کوئی رن نہ بناسکے۔

لاہور قلندرز کی طرف سے شاہین شاہ آفریدی نے 3 وکٹیں حاصل کیں جبکہ   احمد دانیال، ڈیوڈ ویزے، حارث رؤف اور سمیت پٹیل نے ایک ایک شکار کیا۔

واضح رہے کہ  کہ لاہور قلندرز نے ٹاس جیت کر پہلے فیلڈنگ کا فیصلہ کیا تھا اور پہلے کھیلتے ہوئے کراچی کنگز نے لاہور قلندرز کو جیت کے لیے 187 رنز کا ہدف دیا تھا۔