سرکاری افسر کے گھر کی پائپ لائن سے لاکھوں روپے برآمد

نئی دہلی: بھارت میں ایک سرکاری افسر کے گھر کی پائپ لائن سے لاکھوں روپے کے نوٹ برآمد ہوئے۔

بھارتی میڈیا کے مطابق بھارتی ریاست کرناٹک میں سرکاری افسر نے گھر کی پائپ لائن میں نوٹ چھپا رکے تھے۔ جہاں اینٹی کرپشن بیورو کے حکام نے خفیہ اطلاع پر چھاپہ مار کر رقم برآمد کر لی۔

بھارت کے پبلک ورکس ڈپارٹمنٹ کے انجینئر کے گھر چھاپا مارا گیا تو پاپ لائن سے پانی کی جگہ نوٹ برآمد ہوئے۔ برآمد ہونے والی رقم 25 لاکھ روپے تھی جبکہ بڑی تعداد میں سونا بھی برآمد کیا گیا۔

حکام کے مطابق کرنسی نوٹ کی پائپ لائن میں موجودگی کی اطلاع پر پلمبر کو بلایا گیا اور اس کی مدد سے پائپ لائن سے لاکھوں روپے برآمد کیے گئے۔

واضح رہے کہ بھارت میں سرکاری کرپٹ افسران کے خلاف کریک ڈاؤن جاری ہے اور پبلک ورکس ڈپارٹمنٹ کے افسر کے گھر سے جو رقم پائپ لائن سے برآمد ہوئی وہ پائپ لائن صرف نوٹ چھپانے کے لیے ہی بنائی گئی تھی۔