حکومت نے پیٹرولیم ڈیلرز کے مطالبات کے معاملے میں نااہلی کا مظاہرہ کیا ، بلاول 

تفصیلات کے مطابق  پاکستان پیپلزپارٹی کے چیئرمین بلاول بھٹو زرداری نے ملک میں پیٹرولیم مصنوعات کے حوالے سے پیدا ہونے والے بحران پر بیان دیتے ہوئے کہا کہ  حکومت نے پیٹرولیم ڈیلرز کے مطالبات کے معاملے میں نااہلی کا مظاہرہ کیا ہے، حکومت کی نااہلی کے نتیجے میں آج پورا ملک پریشان ہے،  بیشتر پیٹرول پمپس بند ہیں، اکثر پر گاڑیوں کی طویل قطاریں لگی ہوئی ہیں۔

بلاول بھٹو نے کہا کہ  کاروباری امور متاثر ہیں، یہ حکومت کی ناکامی ہے، پیٹرولیم ڈیلرز کے معاملے میں حکومتی نااہلی کی وجہ سے آج ملک میں افراتفری پھیل چکی ہے، امورِ زندگی کو ٹھپ کرکے عمران خان نے ہر پاکستانی کی زندگی کو اجیرن کردیا ہے، پی ٹی آئی حکومت حل ہونے والے مسائل کو بھی اپنی نااہلی سے بحران بنادیتی ہے۔

واضح رہے کہ پاکستان پیٹرولیم ڈیلرزایسوسی ایشن کی جانب سے ملک بھر میں ہڑتال کا اعلان کیا گیا ہے۔ اعلان کے تحت ملک بھر کے پیٹرول پمپس پر پیٹرول دستاب نہیں ہوگا۔