ای یو ریگولیٹر نے 5-11 سال کے بچوں  کیلئےفائزر  کی ویکسین کی اجازت دیدی

غیر ملکی خبر رساں ادارے کے مطابق  یورپی یونین کے ڈرگ ریگولیٹر نے  فائزر کی کورونا وائرس ویکسین کو 5 سے 11 سال کی عمر کے بچوں پر استعمال کرنے کی اجازت دے دی ہے، جس سے پورے یورپ میں پھیلنے والی کورونا  کی ایک نئی لہر کے دوران  لاکھوں پرائمری اسکول کے بچوں کو ویکسین  لگوانے کا راستہ صاف ہو گیا۔

یہ پہلا موقع ہے جب یورپی میڈیسن ایجنسی نے چھوٹے بچوں میں استعمال کے لیے کورونا  ویکسین کو کلیئر کیا ہے۔

ایجنسی نے کہا کہ اس نے  کورونا  ویکسین کومرنیٹی ( Comirnaty)  کو  5 سے 11 سال کی عمر کے بچوں میں استعمال کرنے  کی اجازت کی سفارش کردی ہے۔

اس مہینے کے شروع میں یوپین میڈیسن ایجنسی  نے کہا کہ اس نے 6 سے 11 سال کی عمر کے بچوں کے لیے موڈرنا کی کورونا   ویکسین کے استعمال کا جائزہ لینا شروع کر دیا ہے۔ اس نے اندازہ لگایا کہ دو ماہ کے اندر فیصلہ کر لیا جائے گا۔