پرتگال میں پاکستانی نژاد نوجوان ڈکیتی مزاحمت پر قتل

تفصیلات کے مطابق  پرتگال میں پاکستانی نژاد نوجوان ڈکیتی مزاحمت پر قتل کردیا گیا۔اہلخانہ کا کہنا ہے کہ  سید ذیشان عباس کو 27 نومبر کو پرتگال میں افریقی باشندے نے قتل کیا، مقتول نے پرتگال میں منی گرام اور مارٹ سٹور بنا رکھا تھا، سٹور پر افریقی باشندے نے پیسے چھیننے کے دوران مزاحمت پر قتل کیا۔

والدہ صبیحہ بی بی کا کہنا ہے کہ  ذیشان پانچ برس سے بیوی اور دو بیٹوں کے ہمراہ پرتگال میں مقیم تھا۔ والدہ نے حکومت سے مطالبہ کیا ہے کہ  ذیشان کی میت کو جلد از جلد پاکستان لایا جائے۔ مقتول کے بھائی  فرحان عباس کا کہنا تھا کہ  پاکستانی سفارتخانے نے میت چند روز میں وطن  واپس  لانے کا کہا ہے۔