آرٹی ایس کی طرح ای وی ایم  الیکشن مسترد کرتےہیں ، بلاول بھٹو

چیئرمین پاکستان پیپلزپارٹی بلاول بھٹو نے خطاب میں کہا کہ  آرٹی ایس کی طرح ای وی ایم  الیکشن مسترد کرتےہیں،  کیسے ہوسکتاہے کہ پیرس میں ووٹ ڈالا جائے اور پشاور سے نکلے،  ووٹنگ مشین زبردستی مسلط کرنے کی کوشش کی جارہی ہے۔

 بلاول بھٹوزرداری نے کہا کہ  اسٹیٹ  بینک پاکستان  پارلیمان اور نہ عدالتوں کا پابند ہوگا، اسٹیٹ بینک کےلئےقانون سازی کو مسترد کرتے ہیں، اسٹیٹ  بینک  کو آئی ایم ایف کی غلامی نہیں کرنے دیں گے۔

انہوں نے کہا کہ بھارتی جاسوس  نے حکومت کے آرڈیننس  کافائدہ نہیں لیا،کلبھوشن  کے این آر او کی مخالفت سڑکوں اور عدالتوں  میں کریں گے۔عوام اور پارلیمان  کی اجازت کے بغیر دہشت گردوں  کےسامنے جھک گئے، رات کے اندھیروں میں دہشت گردوں  سے بات چیت  کی جارہی ہے،  دہشت گردوں کی وجہ سے ایف سی آر نظام واپس لانا چاہتےہیں،  "ایبسلیوٹلی ناٹ" کہنے والا عمران خان  کلبھوشن  کو این آر او دینے کی کوشش میں ہے۔

چیئرمین پیپلز پارٹی کا کہنا تھا کہ عمران خان نے وعدہ کیا تھا کہ وہ آئی ایم ایف کے پاس جانے کے بجائے خودکشی کریں گے، حکومت کی معاشی پالیسی کی وجہ سے ہر طبقہ پریشان ہے، غریب جائے تو جائے کہاں ؟ حکومت نے عام آدمی کا جینا حرام کردیا ہے، آپ پیپلزپارٹی کا ساتھ دیں ہم عوام دوست معیشت لے کر آئیں گے۔انہوں نے کہا کہ سازش کرنے والوں کو سازش کرنے دیں ، ٹیپ کرنے والوں کو ٹیپ نکالنے دیں، سازش یا تیسرے راستے سے حکومت میں نہیں آنا چاہتے، صرف عوامی سیاست مانتے ہیں۔