پی آئی اے کا ملازمین کی تنخواہوں میں اضافہ کرنے کا فیصلہ

تفصیلات کے مطابق پی آئی اے  بورڈ آف ڈائریکٹرز نے ملازمین کی تنخواہوں میں اضافے کی منظوری دے دی ہے ۔ پی آئی اے کے گروپ ایک تا 4 کے ملازمین کی تنخواہوں میں 20 فیصد اضافے کا فیصلہ کیا گیا ہے ۔

اسی طرح  گروپ 5 تا ڈائریکٹر سطح کے ملازمین کی تنخواہوں میں 10 فیصد اضافے کا فیصلہ کیا گیا ہے ۔ 

پی آئی اے ملازمین کی تنخواہوں میں 5 سال بعد اضافہ کیا گیا ہے ۔تنخواہوں میں اضافے پر پی آئی اے ملازمین میں خوشی کی لہر دوڑ گئی ۔ سی ای او پی آئی اے ایرمارشل ارشد کاکہنا ہے کہ پی آئی اے کے ملازمین ادارے کا فخر ہیں۔  

خیال رہے کہ قومی ائر لائن  نے ملازمین کی تنخواہوں میں آخری بار 2016 میں اضافہ کیا تھا ۔