کپتانی جانے کے بعد عماد وسیم نے پہلا ٹوئٹ کر دیا

سماجی رابطے کی ویب سائٹ ٹوئٹر پر اپنی ٹویٹ میں عماد وسیم کا کہنا تھا کہ کراچی کنگز کی انتظامیہ کا شکرگزار ہوں جنہوں نے 4 سال تک مجھے ٹیم کی کپتانی دے کر اعتماد کیا۔

ان کا کہنا تھا کہ میں مستقبل میں ٹیم کے لیے کچھ بڑا کرنے کے لیے کردار ادا کرتا رہوں گاجبکہ انہوں نے نو منتخب کپتان بابراعظم کے لیے بھی نیک خواہشات کا اظہار کیا۔

خیال رہے کہ گزشتہ روز کراچی کنگز نے پی ایس ایل سیزن سیون کے لیے بابر اعظم کو کراچی کنگز کا کپتان مقرر کیا تھا۔

I want to take a minute to thank @Salman_ary bhai n the whole @KarachiKingsARY family for entrusting me with the captaincy for 4 seasons! It’s been wonderful n I look forward to even bigger things for the team in the future. Gudluck and best wishes to my brother @babarazam258

— Imad Wasim (@simadwasim) December 1, 2021

بابر اعظم کا کہنا تھا کہ کراچی کنگز میرے لیے فیملی کی طرح ہے، کراچی کنگز اور سلمان اقبال نے مجھ پر بھروسہ کیا اور کپتانی کا موقع دیا۔

ان کا کہنا تھا کہ 100 فیصد کارکردگی دکھانے کی کوشش کروں گا، ذمہ دار میں انجوائے کرتا ہوں، عماد وسیم نے جس طرح ٹیم کو لیڈ کیا کوشش کروں گا اسی کو جاری رکھوں۔

بابر اعظم کا کہنا تھا کہ کراچی کنگز نے ٹائٹل جیتا ہوا ہے کوشش کریں گے آئندہ سیزن میں بھی اچھا کھیلیں، کراچی کنگز کے مداح جیسے حوصلہ افزائی کرتے ہیں بہت اعتماد ملتا ہے، کوشش ہوگی آئندہ سیزن میں بھی بہترین کھیل پیش کریں۔