پی ٹی آئی کے منحرف ارکان کا پیپلزپارٹی کو ووٹ دینے کا اعلان

جی این این کے مطابق اسلم ابڑو اور شہریار شر سہیل سیال کے ہمراہ گاڑی میں اسمبلی پہنچے،صوبائی وزیر نے اپنی نگرانی میں ہال میں پہنچایا، اس موقع پر صحافی کے سوال کا جواب دیتے ہوئے پی ٹی آئی ارکان نے کہا کہ ہم پیپلزپارٹی کوووٹ دیں گے ۔ 

دوسری جانب تحریک انصاف کے ٹیکنوکریٹ امیدوار سیف اللہ ابڑو بھی اسمبلی پہنچ گئے،صحافی سے گفتگو میں انہوں نے کہا کہ پی ٹی آئی ٹوٹ پھوٹ کا شکار نہیں،اپنی سیٹیں نکال لیں گے۔ 

واضح رہے کہ سینیٹ انتخابات کیلئے 37 نشستوں پر پولنگ کا آغاز ہوگیا ہے ۔ پولنگ بغیر کسی وقفے کے شام 5 بجے تک جاری رہے گی۔ قومی اور صوبائی اسمبلیوں کے باہر سکیورٹی کے سخت انتظامات کئے گئے ہیں۔